servizis linguistics pe lenghe furlane

Un libri che al sta a pār cui miōr tescj de sō categorie

Il libri al dopre il stīl rigorōs, sut e "economic" tipic dal lengaē matematic. Un stīl une vore formalizāt, fat di secuencis logjichis di definizions, proposizions, lemis e teoremis, lą che ogni peraule e ą une sō valence tecniche definide, e nissune peraule no je di masse. Pe lenghe furlane si trate de concuiste di un regjistri linguistic gnūf, il plui formāl e astrat che al sei, e duncje ancje de dimostrazion pratiche che la lenghe e pues jonzi cualsisei regjistri. Si trate di un test didatic svelt, util par imparā la analisi matematiche o par cirī fūr un teoreme cuant che al covente. La analisi matematiche e je une materie no dome fondamentāl, ma ancje strumentāl par cuasi dutis lis altris dissiplinis sientifichis e tecnichis (la fisiche, la inzegnerie, e vie indenant). Cun chest libri Paolini e Fogale a ąn butadis jł lis fondis par fevelā par furlan di dutis chestis materiis. Il titul dal libri "Une introduzion ae analisi matematiche" al pant la nature (e la ambizion) dal libri. Si trate di un libri che al introdūs a la materie, esplicant i concets, i metodis, i esemplis e i risultāts fondamentāi, lassant a seguitīfs profondiments i risultāts di nature plui specializade. Pi di mancul si trate di un libri rigorōs e ben construīt, cuntune impostazion moderne e direte. Un test ancje complet (tai limits des finalitāts che i autōrs si son dāts). In sumis, un libri che al sta a pār cui miōr tescj de sō categorie.

Sergio Cecotti

[recension dal libri: M.Fogale, E.Paolini "Une introduzion ae analisi matematiche", ILF, Codroip, 2001] .