Vitrine

Dizionari ortografic Furlan. Plui di 38.000 lemis dal talian al furlan e dal furlan al talian. Grafie uficiâl e lenghe furlane di riferiment. Comprilu ca di noaltris!

Cors di grafie furlane. Une formulazion clare e sintetiche des regulis di grafie uficiâl de lenghe furlane, cun esercizis e soluzions e un cd par i detâts. Par cui che al à za une buine paronance de lenghe furlane fevelade , ma che al vûl imparâ a scrivi cun plui sigurece. Comprilu ca di noaltris!

Claminus

Serling soc.coop.
email: info@serling.org
telefon / fax : +39 0432 649131
p.IVZ (IVA) 02203350307

Gnovis

Presentazion di "Jude"
18/11/2009 - Presentazion dal program "Jude" tradutôr automatic dal talian al furlan, martars al 1 di Dicembar dal 2009 aes 18.00 li de Fondazion CRUP in v. Manin 15 a Udin,. Par altris informazions lei il comunicât stampe.

Cors di grafie furlane
04/05/2009 - Sabide ai 16 di Mai, aes 18.00 li de Libreria Friuli in vie dei Rizzani 1/3 a Udin, si presentarà il libri "Cors di grafie Furlane" curât di Sandri Carrozzo. Par altris informazions lei il comunicât stampe.

Inzornament dal sît
29/04/2009 - La sezion leams dal sît e je stade inzornade cun gnovis informazions.

Cors a Felet
20/04/2009 - Par resons tecnichis il cors “Cemût si scrivial?”, al è stât rimandât ae Sierade dal 2009.

Servizis

I servizis linguistics furnîts de Serling a son massime:

cors, formazion, conferencis
traduzions
consulencis linguistichis e revision di tescj
lessicografie e linguistiche computazionâl
sportel linguistic

Traduzions

La traduzion e je une ativitât che e domande cognossince une vore buine des lenghis tratadis, sensibilitât, ecuilibri e che si fonde su la esperience e su la professionalitât.

La Serling e à tradutôrs in lenghe furlane che a àn otignût il certificât tal cors par tradutôrs cun competencis specifichis in lenghe furlane organizât tal 2000 dal OLF (Osservatori pe Lenghe e Culture Furlanis) e de Universitât di Udin.

Socis de Serling a àn lavorât ancje li de Universitât di Udin tant che docents tal Cors par Tradutôrs e Interpretis di Gurize, insegnant ancje traduzion tai cjamps specifics dai tescj juridics, aministratîfs e burocratics e a àn fat part de Comission di Normalizazion dal Lessic Juridic Aministratîf de lenghe furlane des Provinciis di Gurize, Pordenon e Udin.

Il numar di tradutôrs e la varietât des lôr capacitâts specifichis a permetin ae Serling di furnî un servizi dal nivel plui alt in cjamps diviers. La ativitât principâl di traduzion puartade indevant de Serling e je dal talian al furlan, ma si pues rispuindi ancje a domandis di voltâ in o di altris lenghis (inglês, francês, catalan...)