Stefania Garlatti Costa, Roberta Melchior Lenghe. Cors di Furlan

CUF (2008).

“Lenghe. Cors di Furlan” al è un gnûf cors di furlan par students di etât adulte. Il cors al è pensât par podê jessi doprât di students cun abilitâts diferentis: di chei che a capissin ben il furlan, ma no lu fevelin, a chei che lu cjacarin tant che marilenghe, ma no son bogns di lei e scrivi par furlan. Il cors al fronte une varietât di tematichis e situazions, cjapant ancje in considerazion i lengaçs specialistics dal gjornalisim, de aministrazion, de medisine e de sience. Il cors al cjape dentri: 14 unitâts progressivis, une presentazion sistematiche de grafie cun esercizis, une sezion gramaticâl cun esercizis, un glossari furlan-talian. Il cors al presente materiâl par 60-80 oris di insegnament in classe.