I cors che la Serling e met a disposizion a son:
1. Cors Base par Forescj
2. Cors di False Base
3. Cors di Alfabetizazion
4. Cors di Grafie
5. Cors di Scriture Creative
6. Cors par Operadôrs Linguistics
7. Cors di Traduzion
8. Conferencis e ciclis di conferencis
I cors 2, 3, 4 e 6 si puedin cumbinâ cun percors didatics specifics par cjamp di interès daûr dal comitent (aministrazion publiche di dimension piçule, medie o grande, aziende di servizis sanitaris, scuele e v.i.) par che i arlêfs a cjapin sù une cierte competence intun setôr par ce che al tocje il vocabolari e la scriture di tescj.
Cors di alfabetizazion
Cors par personis che a àn za une cierte competence te lenghe furlane fevelade e che a vuelin imparâ a lei e a scrivi.
Obietîfs dal cors:
capî lis regulis de grafie uficiâl de lenghe furlane
imparâ lis carateristichis gramaticâls de lenghe furlane di riferiment
imparâ a lei tescj avonde luncs e complès
imparâ a scrivi tescj, ancje complès, o a scrivi tescj detâts cuntun nivel di coretece suficient
imparâ a ricognossi un test scrit in grafie uficiâl di un scrit intune altre grafie
cjatâ i erôrs plui seris intun test e coreziju
Oris di lezion conseadis: 30
Timp di lezion conseât: 1 ore e mieze
Cors di base par Forescj
Cors par personis no furlanis, ancje imigrâts no di prime lenghe taliane.
Obietîfs dal cors:
svicinâsi aes struturis de lenghe furlane fevelade
imparâ a capî discors sempliçs e ordenâts
imparâ a doprâ peraulis singulis e espressions semplicis
imparâ a dî frasis curtis che a permetin un dialic elementâr
imparâ a ricognossi i elements di base de lenghe scrite
imparâ a lei tescj sempliçs
imparâ a scrivi peraulis e espressions semplicis o frasis curtis
Oris di lezion conseadis: 30
Timp di lezion conseât: 1 ore e mieze
Cors di false base
Cors par personis che no son usadis a doprâ la lenghe furlane, ma che a àn za un contat e che pal solit le capissin avonde ben.
Obietîfs dal Cors:
slargjâ il vocabolari
imparâ a capî ancje discors complès o di argoments no cognossûts
passâ de competence orâl passive a chê ative
imparâ a ricognossi i elements di base de lenghe scrite
imparâ a lei tescj avonde luncs
imparâ a scrivi tescj sempliçs
Oris di lezion conseadis: 30
Timp di lezion conseât: 1 ore e mieze
Cors di grafie
Cors par personis che a àn za une buine cognossince de lenghe fevelade e e des carateristichis gramaticâls di fonde de lenghe furlane di riferiment, che a vuelin imparâ a scrivi cun coretece.
Obietîfs dal cors:
capî in detai lis regulis de grafie uficiâl de lenghe furlane
imparâ a meti in vore lis regulis di grafie ancje in tescj complès
doprâ imprescj tant che dizionaris di cjarte e eletronics e coretôr ortografic
ricognossi tescj scrits in altris grafiis, cjatâ i erôrs ortografics e coreziju
Oris di lezion conseadis: 20
Timp di lezion conseât: 1 ore
Cors par operadôrs linguistics
Cors par operadôrs linguistics cun competencis specifichis in lenghe furlane, pal solit cumbinât cul cors di grafie.
Obietîfs dal cors:
imparâ i caratars di fonde di diferenziazion tra lis diviersis varietâts furlanis
imparâ a scrivi tescj corets pal aspiet ortografic
imparâ a scrivi tescj avonde corets pal aspiet sintatic e stilistic
imparâ nozions di fonde di planificazion linguistiche
imparâ i elements di fonde de legjislazion di tutele des lenghis minoritariis
Oris di lezion conseadis: 40
Timp di lezion conseât: 2 oris
Cors di scriture creative
Cors par personis che a àn za une une cierte cognossince de lenghe fevelade e scrite, che a àn za frecuentât altris cors e che a vuelin cjatâ une ocasion di scrivi par furlan.
Obietîfs dal cors:
analizâ e capî diviers gjenars di produzion scrite
slargjâ il vocabolari
sfrancjâ la pratiche de scriture e de grafie par furlan
scrivi tescj di diviers gjenars leteraris
Oris di lezion conseadis: 20
Timp di lezion conseât: 1 ore e mieze
Cors di traduzion
Cors di svicinament ae pratiche de traduzion.
Obietîfs dal cors:
presentazion des problematichis teorichis de traduzion
analisi e pratiche de traduzion di tescj leteraris
analisi e pratiche de traduzion di tescj tecnics specialistics
analisi e pratiche de traduzion di tescj tecnics divulgatîfs
analisi e pratiche de traduzion di tescj di comunicazion
analisi e pratiche de traduzion di tescj tecnics specialistics
analisi de cualitât linguistiche e revision
Oris di lezion conseadis: 40
Timp di lezion conseât: 2 oris
