In graciis de leç statâl 482/99 i ents publics (Regjons, Provinciis, Comuns, Comunitâts di Mont, Comprensoris, Aziendis Servizis Sanitaris, Cjamaris di Cumierç) a puedin vierzi sportei linguistics finanziâts dal stât pe rispueste aes esigjencis di comunicazion e di politiche linguistiche tal rapuart cu la popolazion che e dopre la lenghe furlane.
La ativitât di chescj sportei e pues jessi puartade indevant in convenzion cu la Serling: in particolâr si pues zovâsi de esperience de Serling par azions di politiche linguistiche, di informazion e assistence ai orghins e al personâl dal ent, ai insegnants des scuelis, aes associazions culturâls, aes ativitâts economichis e ai singui citadins.
In zornade di vuê la Serling e à in gjestion i sportei linguistics di Remanzâs e Aquilee.
